काठमाडौं । अमेरिकी विदेशमन्त्री एन्टोनी ब्लिन्केन अरब देशका नेता तथा मन्त्रीहरूसँग वार्ता गर्न जोर्डन पुगेका छन् ।

उनले जोर्डनका राजा अब्दुल्लाह द्वितीय र कतारका प्रधानमन्त्रीसँग भेट गर्नेछन् । उनले लेबनानका कार्यवाहक प्रधानमन्त्री नजिब मिकातीसँग भेट गरेका छन् ।

अमेरिकी विदेशमन्त्री ब्लिन्केनले जोर्डन, लेबनान, कतार, साउदी अरब, इजिप्ट र युएईका विदेशमन्त्रीहरूसँग पनि वार्ता गर्नेछन्।

उनले प्यालेस्टाइन शरणार्थीहरूका लागि संयुक्त राष्ट्रको राहत र कार्य एजेन्सीका आयुक्त जनरल फिलिप लाजारिनीसँग पनि भेट गर्नेछन् र गाजामा रहेका कर्मचारीहरूसँग भिडियो कल मार्फत सम्पर्क गर्नेछन्।