काठमाडौं । पाकिस्तानी सेनाले शनिबार मियाँवाली सहरको एयरबेसमा भएको आक्रमणमा नौ चरमपन्थी मारिएको जानकारी दिएको छ ।

पाकिस्तानी सेनाको जनसम्पर्क विभाग आईएसपीआरका अनुसार ‘आक्रमणलाई असफल बनाएपछि क्लियरेन्स अपरेशन पूरा भएको छ।’

विज्ञप्तिमा भनिएको छ, ‘पीएएफ ट्रेनिङ एयरबेस मियाँवालीमा पूरा गरिएको खोजी अभियानमा सबै नौ आतङ्की मारिए। आज बिहान हवाई अड्डामा हमलापछि सुरक्षा बलले आसपासको क्षेत्रमा सम्भावित खतरालाई हटाउन खोजी अभियान चलाएको थियो ।’

विज्ञप्तिमा भनिएको छ कि आक्रमणको क्रममा आधारमा रहेका तीनवटा विमानमा क्षति पुगेको छ।