काठमाडौं । पूर्वी पाकिस्तानमा विषाक्त धुवाँका कारण हजारौं मानिस बिरामी परेका छन् भने प्रशासनले लाहोरसहित तीन सहरमा यस हप्ता बन्दका लागि निर्देशन दिएको छ ।

देशको दोस्रो ठूलो सहर लाहोरमा प्रदूषण खतरनाक तहमा पुगेको छ ।

पञ्जाबको प्रान्तीय सरकारले लाहोरसहित तीन सहरका विद्यालय, कार्यालय, मल र पार्क आइतबारसम्म बन्द गर्न निर्देशन दिएको छ ।

पछिल्ला केही दिनदेखि लाहोरको वायु गुणस्तर सूचकांक ४ सयको हाराहारीमा रहेको छ, जसलाई ‘गम्भीर’ श्रेणीमा लिइन्छ।

सीमापार भारतका धेरै सहरहरूमा वायु प्रदूषणको अवस्था गम्भीर छ। भारतको राजधानी दिल्लीमा पनि एक्युआइ ४०० भन्दा माथि रहेकोमा शुक्रबार वर्षाले केही राहत पाएको छ ।

एक सेल्सम्यान अमीर हम्जाले बीबीसी उर्दूलाई भने: “विषाक्त वातावरण अहिले सामान्य भइसकेको छ र यसले स्वास्थ्य र दैनिक व्यापारलाई असर गरिरहेको छ।”

उनले भने, ‘विषाक्त वातावरण हाम्रो जीवनको हिस्सा बनेको देखिन्छ ।

लाहोरकी अर्की निवासी सारा जिशानले उनको डेढ वर्षकी छोरीले केही पनि निल्न नसक्ने बताइन् किनभने प्रदूषणले उनको मुखमा अल्सर भएको थियो।