काठमाडौं । हमासद्वारा सञ्चालित स्वास्थ्य मन्त्रालयले गाजाको सबैभन्दा ठूलो अस्पताल अल-शिफाको अवस्थाको बारेमा अद्यावधिक जारी गरेको छ।

हमासका अनुसार अस्पतालभित्र अझै पनि कम्तीमा २ हजार ३ सय मानिस रहेको र यसबारे विश्व स्वास्थ्य संगठनलाई जानकारी गराइएको छ ।

अस्पतालमा ६०० देखि ६५० सम्म बिरामी, साथै २०० देखि ५०० ​​स्वास्थ्यकर्मी र १,५०० विस्थापित व्यक्तिहरू आश्रय खोजेका विज्ञप्तिमा भनिएको छ।

डब्लुएचओका अनुसार ‘बिजुली, पानी र खाना नहुँदा बिरामीको ज्यान जोखिममा छ ।’ अस्पतालबाट बाहिर निस्कने सुरक्षित बाटो नभएको बताइएको छ ।

डब्लुएचओले मानवीय कानुनको सम्मान गर्दै तत्काल युद्धविराम, नागरिकको सुरक्षा र स्वास्थ्य सुविधा पुनर्स्थापना गर्न अपिल गरेको छ ।