काठमाडौं । अमेरिकाको साउथ क्यारोलिनाका सिनेटर टिम स्कटले अर्को वर्ष हुने राष्ट्रपति चुनावमा रिपब्लिकन पार्टीको उम्मेदवार बन्ने दौडबाट आफूलाई टाढा राखेका छन् ।

“मलाई लाग्छ कि सबैभन्दा महत्त्वपूर्ण व्यक्तिहरू, मतदाताहरूले मलाई स्पष्ट रूपमा भन्दैछन्: ‘अहिले होइन, टिम,” उनले फक्स न्यूजलाई भने।

२०१३ मा सिनेटर बनेका टिम स्कट राष्ट्रपति चुनावमा आफ्नो पार्टीको उम्मेदवार बनेको भए उनी रिपब्लिकन पार्टीको पहिलो अफ्रिकी-अमेरिकी राष्ट्रपति उम्मेदवार हुने थिए।

उनले सुरुमा राम्रो कोष पाए पनि ओपिनियन पोलमा राम्रो प्रदर्शन गर्न सकेनन् ।

उनले राष्ट्रपति चुनावमा रिपब्लिकन पार्टीको उम्मेदवार बन्ने दौडमा अन्य कुनै पनि उम्मेदवारलाई समर्थन गरेका छैनन्।

उनले उपराष्ट्रपतिको निर्वाचनमा पार्टीको उम्मेदवार बन्ने सम्भावनालाई अस्वीकार गरेका छन् ।

सीबीएस न्यूजले जारी गरेको भर्खरैको अनुमानले उनलाई चार प्रतिशत मतदाताको मात्र समर्थन पाएको देखाएको छ । यसरी उनी यस दौडमा पाँचौं नम्बरमा छन् ।

जनमत सर्वेक्षणमा पूर्व राष्ट्रपति डोनाल्ड ट्रम्पले आफ्ना रिपब्लिकन पार्टीका प्रतिद्वन्द्वीहरूमाथि राम्रो अग्रता लिएका छन् ।