काठमाडौं । इजरायली सेनाले १९ वर्षीय नोआह मार्सियानोको मृत्यु भएको पुष्टि गरेको छ । नोआहलाई अक्टोबर ७ मा हमास लडाकुहरूले बन्धक बनाएका थिए।

हमासले सोही दिन इजरायलमा आक्रमण गर्‍यो र यसका लडाकुहरूले २०० भन्दा बढी मानिसहरूलाई बन्धक बनाएका थिए।

इजरायली सेनाले उनलाई ‘मारिएका सैनिक’ भनेर वर्णन गरेको छ तर उनको मृत्युको कारण भने खुलाएको छैन।

यसअघि नोआहको एउटा भिडियो भाइरल भएको थियो जसमा उनले आफ्नो परिचय खुलासा गर्दै आफूलाई चार दिनदेखि हिरासतमा राखेको बताएकी छिन् ।

यस पछि, भिडियोमा ग्राफिक्स छविहरू देखा पर्दछ। जसलाई हेर्दा उनको शव देखाउने प्रयास गरिएको देखिन्छ ।

भिडियोमा बोलेका शब्द उनका होइनन् भन्ने विश्वास गरिएको छ । बन्धकहरूसँग सम्बन्धित अधिकांश भिडियोहरूको सन्दर्भमा यस्तै धारणा बनाइएको छ।

हमासले इजरायली हवाई आक्रमणमा नोआहको मृत्यु भएको दाबी गरेको छ ।