काठमाडौं । बलिउड अभिनेता विक्की कौशल ‘यो नेपाली शीर उचाली…’ बोलको चर्चित देशभक्तिपूर्ण नेपाली गीतमा नाचेका छन् । आफ्नो फिल्म ‘साम बहादुर’का लागि गीत सुटिङ गर्ने क्रममा उनी यो गीतमा नाचेका हुन् ।

लखनउमा फिल्मको गीत छायांकनमा गोर्खा रेजिमेन्टका जवानहरुसँग उनी नाचेका हुन् । उनले सामाजिक संजालमा यो भिडियो पोस्ट गर्दै ‘जय महाकाली, आयो गोर्खाली’ क्याप्सन लेखेका छन् ।

 

View this post on Instagram

 

A post shared by Vicky Kaushal (@vickykaushal09)

गोर्खा रेजिमेन्टबाट भारतीय सेनाको प्रमुख बनेका फिल्ड मार्शल साम मानेकशाको जीवनीमा आधारित बायोपिक फिल्म ‘साम बहादुर’ मा विक्कीले साम मानेकशाको भूमिका निभाएका छन् । यो फिल्म डिसेम्बर १ मा रिलिज हुनेछ ।