काठमाडौं। नेपाल प्रहरीले १५ जना प्रहरी वरिष्ठ उपरीक्षक (एसएसपी) को सरुवा गरेको छ। प्रहरी प्रधान कार्यालयले बिहीबार सरुवा सूची सार्वजनिक गर्दै १५ जना एसएसपीको सरुवा गरेको हो।

यस अघि जिल्ला परिसर काठमाडौंको प्रमुखमा काजमा खटाइएका भुपेन्द्रबहादुर खत्री, काठमाडौं उपत्यका अपराध अनुसन्धान कार्यालयमा काजमा खटाइएका सोमेन्द्रसिंह राठौर र प्रहरी प्रधान कार्यालय महिला, बालबालिका तथा जेष्ठ नागरिक निर्देशनालयमा काजमा खटाइएका डा.मनोजकुमार केसीलाई काजमै खटाइएको ठाउँमा सरुवा गरेको छ भने प्रहरी प्रधान कार्यालय प्रहरी महानिरीक्षको सचिवालयलमा काजमा खटाइएका दानबहादुर कार्कीको कर्णाली प्रदेश प्रहरी कार्यालय शान्ति सुरक्षा महाशाखामा सरुवा गरेको छ।