काठमाडौं । सिल्कारा सुरुङमा फसेका ४१ जना मजदुरको उद्धार गर्न उत्तरकाशीमा ठाडो ड्रिलिङ मेसिन ल्याइएको छ ।

औगर ड्रिलिङ मेसिन बिग्रिएपछि बिहीबार कामदार निकाल्ने काम रोकिएको थियो ।

तर, शुक्रबारबाट पुनः उद्दारको काम सुरु भएको छ । तर अहिले ठाडो ड्रिलिङ मेसिन ल्याइएको छ ।

यद्यपि, समाचार एजेन्सी पीटीआईका अनुसार उद्धार कार्य चलाउनेहरूले म्यानुअल ड्रिलिङको बारेमा पनि विचार गरिरहेका छन्।

यसअघि मेसिन ड्रिलिङका लागि राखिएको प्लेटफर्ममा केही दरार देखिएको थियो । जसका कारण प्लेटफर्म हल्लन थाल्यो ।

यो असफलता पछि उत्खनन कार्य रोकिएको थियो। प्राविधिक टोली २५ टनको यो प्लेटफर्मलाई स्थिर बनाउन व्यस्त थियो।

घटनास्थलमा उपस्थित इन्टरनेशनल टनेलिङ अण्डरग्राउन्ड स्पेसका अध्यक्ष अर्नोल्ड डिक्सले बिहीबार साँझ भने, ‘हिजो यतिबेलासम्म कामदार बाहिर आउने अपेक्षा गरेका थियौं, आज बिहान र आज दिउँसो पनि त्यस्तै अपेक्षा गरेका थियौं । तर त्यसो भएन। हामीले औगर मेसिन बन्द गर्नुपर्‍यो र मेसिनको केही मर्मत भइरहेको छ।”

उनले भने, “सायद हामी यस्तो चरणमा प्रवेश गर्दैछौं जहाँ हामीले अन्य विकल्पहरू विचार गर्नुपर्नेछ।”