काठमाडौं । स्टार अलराउन्डर हार्दिक पाण्ड्या इन्डियन प्रिमियर लिग-२०२४ मा मुम्बई इन्डियन्सबाट खेल्ने भएका छन् ।

गुजरात फ्रान्चाइजीका शीर्ष व्यवस्थापनसँग सम्बन्धित एक अधिकारीलाई उद्धृत गर्दै इएसपीएन क्रिकइन्फोले यस्तो जानकारी दिएको हो । दुवै फ्रान्चाइजीले हार्दिकका बारेमा पुष्टि गरेका छैनन् ।

क्रिकेट वेबसाइट क्रिकबजका अनुसार आइतबार मुम्बई इन्डियन्स र गुजरात टाइटन्सबीच हार्दिक पाण्ड्याको बारेमा सम्झौता भएको छ।

यो सबै नगद सम्झौता हो यसको मतलब कुनै पनि खेलाडी यसमा संलग्न हुनेछैनन् । तर, बीसीसीआईले यो सम्झौतालाई अहिलेसम्म स्वीकृत गरेको छैन ।

मिनी लिलामीका लागि टिमको पर्स ५ करोडले बढेर १०० करोड पुगेको छ । यसको मतलब गत वर्षसम्म टोलीले ९५ करोड रुपैयाँसम्मका खेलाडीलाई आफ्नो टोलीमा राख्न सक्थे र अब १०० करोड रुपैयाँसम्मका खेलाडी राख्न सक्नेछन् । आगामी लिलामीमा खेलाडी किन्न सक्ने क्षमता रिटेन्सन विन्डो द्वारा निर्णय गरिनेछ।

यदि कुनै टोलीले १० करोड रुपैयाँको खेलाडी रिलिज गर्छ भने, उसले १५ करोड रुपैयाँको (१० करोड + ५ करोड अतिरिक्त पर्स) लिलामीमा भाग लिनेछन्।