स्पेनको समुन्द्री तटमा चार मोरक्कन आप्रवासीको मृत्यु
![स्पेनको समुन्द्री तटमा चार मोरक्कन आप्रवासीको मृत्यु](https://www.dcnepal.com/wp-content/uploads/2023/12/Spanish-troops-migrants-swim-from-Morocco-2-1.webp)
बार्सिलोना। स्पेनको दक्षिणी तटमा चार जनाको शव फेला परेपछि त्यहाँ हलचल मच्चिएको छ।अन्तर्राष्ट्रिय सञ्चारमाध्यमका अनुसार चारै जना मानिस किनारमा रहेको डुङ्गा नजिकै मृत फेला परेका थिए। स्थानीय अधिकारीहरूले मारिएका सबै मोरक्कन आप्रवासीहरू भएको बताएका छन्।
समाचार अनुसार चारै जनाको डुबेर मृत्यु भएको हो, यद्यपि यसको पुष्टि हुन सकेको छैन। उनीहरु सबैको डुङ्गा नजिकै डुबेर मृत्यु भएको हुन सक्ने स्थानीय अधिकारीहरुले बताएका छन्।
सो डुङ्गामा अन्य ३२ मोरक्कन आप्रवासीहरू सवार थिए, जब तिनीहरू काडिज नजिकैको समुद्र तटमा नुहाएका थिए। स्पेनको सरकारका उपाध्यक्ष र श्रम मन्त्री योलान्डा डियाजले ट्वीटर घटनाको बारेमा सुन्दा आफू दुखी भएको बताएकी छिन्।
अहिले स्पेन प्रहरीले यस विषयमा अनुसन्धान सुरु गरेको छ। स्पेन युरोपमा आप्रवासीहरूका लागि मुख्य प्रवेश बिन्दुहरू मध्ये एक हो। डुङ्गाहरू मोरक्को र अल्जेरियाबाट प्रस्थान गर्छन्, विशेष गरी पश्चिमी भूमध्यसागर हुँदै।
स्पेनको आन्तरिक मन्त्रालयको पछिल्लो तथ्याङ्क अनुसार जनवरी १ देखि नोभेम्बर १५ सम्म १३ हजारभन्दा बढी त्यस्ता आप्रवासी आइपुगेका छन्। जुन गत आवको सोही अवधिको तुलनामा ११.५ प्रतिशतले बढी हो।
अल जजिराको रिपोर्टका अनुसार २०२३ को पहिलो ६ महिनामा ४९ बालबालिकासहित कम्तिमा ९५१ जनाको समुद्रबाट स्पेन पुग्ने प्रयास गर्दा मृत्यु भएको थियो। जनवरीदेखि जुन महिनासम्म १९ डुङ्गा आफ्ना यात्रुसहित बेपत्ता भएका छन्।
Facebook Comment