काठमाडौं । उत्तर प्रदेशको बरेलीमा शनिबार राति एउटा कारमा आगलागी हुँदा आठ जनाको मृत्यु भएको छ ।

मृत्यु हुनेमा एक बालक पनि रहेका छन् । बरेलीको नैनीताल राजमार्गमा दुर्घटना भएको हो । बरेलीका एसएसपी सुशील चन्द्रभान धुलेका अनुसार राजमार्गमा गुडिरहेको कार ट्रकसँग ठोक्किएर आगो लागेको थियो ।

गाडी सेन्ट्रल लक थियो । जसका कारण त्यहाँ बसेका मानिसहरु बाहिर निस्कन सकेनन् । सामाजिक सञ्जालमा देखिएको फुटेजमा कार आगोले लपेटिएको देखिन्छ, जबकि ट्रक अगाडि उभिएको देखिन्छ ।

प्रहरीले आगो निभाएर कारबाट शव निकालेको थियो । भोजीपुरा नजिकै ट्रकसँग कार ठोक्किएको एसएसपी सुशील चन्द्रभान धुलेले बताए ।

ठोक्किएपछि कारमा आगो लाग्न थाल्यो । गाडी सेन्ट्रल लक थियो । जसका कारण यात्रु बाहिर निस्कन सकेनन् ।