काठमाडौं । टर्कीको अंकारा सहरमा भएको फुटबल खेलमा रेफ्रीमाथि कुटपिट गरिएपछि लिगका सबै खेलहरू स्थगित गरिएको छ।

मंगलबार जयकुर रिजेस्पोर र एमकेई अंकारागुकु क्लबबीचको खेल बराबरीमा सकिएको थियो ।

यसपछि एमकेई अंकारागुकुका अध्यक्ष फारुक कोजा मैदानमा दौडेर रेफ्रीलाई मुक्का हाने ।

टोलीका समर्थकहरू पनि मैदानमा आएर रेफ्रीमाथि कुटपिट गरेका थिए ।

यसपछि लिगका अन्य खेलहरू तत्कालका लागि प्रतिबन्ध लगाइएको छ । रेफ्री हलिल उमुत मेलर अस्पताल भर्ना भएका छन् ।