काठमाडौं । इजरायल डिफेन्स फोर्स (आईडीएफ) का प्रमुख लेफ्टिनेन्ट जनरल हर्जी हालेवीले गाजामा हमासविरुद्धको युद्ध केही महिनासम्म चल्ने बताएका छन्। यसैबीच, अल मायादीनको रिपोर्टका अनुसार इजरायली सेनाले गाजामा मारिएका प्यालेस्टिनीहरूको शव चोरिरहेका छन्। यी शवबाट सिपाहीहरूले मिर्गौला, कलेजो, मुटु जस्ता अंगहरू पनि चोरिरहेका छन्।

युरो-मेडिटेरेनियन ह्युमन राइट्स मनिटरलाई उद्धृत गर्दै अल मायादीनको रिपोर्टमा भनिएको छ- इजरायली सेनाले ८० प्यालेस्टाइनीको शव चोरेर -४० डिग्री सेल्सियसको तापक्रममा राखेको छ ताकि तिनीहरूको अंग निकाल्न सकियोस्।

ह्युमन राइट्स मनिटरले इजरायलमा प्यालेस्टिनीहरुको शव जफत गर्नु कानुनी रहेको दाबी गरेको छ । ह्युमन राइट्स मनिटरले सन् २०२१ सम्म इजरायलमा प्यालेस्टिनीहरूको शव जफत गर्ने अधिकार इजरायली सैनिकहरूलाई दिने कानुन पारित भएको बताएको छ। त्यसपछि इजरायली मेडिकल स्कूलहरूमा यी मृत शरीर र अंगहरू प्रयोग गरिन्छ।

यसअघि इजरायली सेनाले प्यालेस्टिनीहरूको शवलाई बुलडोजरले कुल्चेको र गाजाको चिहानलाई ट्याङ्कले ध्वस्त पारेको आरोप लागेको छ । इजरायलले मङ्गलबार ८० प्यालेस्टाइनीको शव गाजा पठाएको छ । उनीहरूको बुधबार बिहान अन्त्येष्टि गरिएको हो । शरीरका धेरै अंगहरु हराएको बताइएको छ । इजरायली सेनाले ती शव बन्धकहरूको भएको आशंका गरेको बताएको छ। उनीहरुलाई अनुसन्धानपछि फिर्ता गरिएको हो ।