काठमाडौं । कुवेतले विदेशी कामदारहरुको लागि ठूलो परिवर्तन गरेको छ। कुवेतका प्रथम उपप्रधानमन्त्री तथा आन्तरिक मामिला मन्त्री शेख तलाल अल खालिद अल-अहमद अल-जाबेर अल-सबाहले विदेशी कामदारहरूलाई निजी क्षेत्रमा पार्टटाइम काम गर्न अनुमति दिएका छन्।

कुवेतमा ठुलो संख्यामा नेपाली कामदार छन् । कुवेतको कुल जनसंख्या करिब ४६ लाख छ, जसमध्ये करिब ३५ लाख विदेशी छन्। अर्थात् कुवेतको कुल जनसङ्ख्याको ७५ प्रतिशत प्रवासी छन् ।

कुवेतको समाचार वेबसाइट अरब न्युजका अनुसार कुवेतले निजी क्षेत्रका आप्रवासी कामदारहरूलाई पार्टटाइम काम गर्नका लागि आफूले काम गरिरहेको कम्पनीबाट अनुमति लिनुपर्ने सर्तमा पार्टटाइम काम गर्न दिएको छ ।

कुवेतले जनसांख्यिकीय असन्तुलनको समस्या समाधान गर्न मन्त्रिपरिषद्को प्रावधान अनुसार यो कदम चालेको हो ।

रिपोर्टमा निजी क्षेत्रका कर्मचारीले अब कुनै पनि कम्पनीमा दैनिक बढीमा चार घण्टा पार्टटाइम काम गर्न सक्ने उल्लेख छ । यसका लागि उनीहरूलाई जनशक्तिका लागि सार्वजनिक प्राधिकरणको अनुमति चाहिन्छ।

यस निर्णयको उद्देश्य भर्तीमा अधिकार सुनिश्चित गर्ने विकल्प अन्तर्गत सीप र अनुभवको फाइदा उठाउनु हो। यसले कुवेतमा जनसांख्यिकीय असन्तुलन हटाउन र श्रम बजारको आवश्यकताहरू पूरा गर्न पनि मद्दत गर्नेछ। यो निर्णय जनवरी २०२४ बाट लागू हुनेछ।

कुवेतका उपप्रधानमन्त्री अल–खलिद अल–अहमद अल–जाबेर अल–सबाहले जनशक्तिका लागि सार्वजनिक प्राधिकरणलाई पनि कर्मचारीले कार्यालय नआउँदै काम पूरा गर्दै आएका कम्पनीले आफ्ना केही कर्मचारीलाई रिमोटबाट काम गर्न दिने निर्देशन दिएका छन् ।

यी निर्णय र निर्देशनहरूको उद्देश्य कम्पनीहरूलाई समर्थन गर्नु र निजी क्षेत्रमा प्रविधिको विकास गर्नु हो, ताकि काम गर्ने वातावरण सुधार गर्न सकिन्छ।