काठमाडौं। पिएसजीले फ्रेन्च सुपर कपको उपाधि जितेको छ। गएराति सम्पन्न फाइनल खेलमा पिएसजीले टोउलोउसलाई २-० गोल अन्तरले पराजित गर्दै सुपर कपको उपाधि जितेको हो।

पिएसजीको जितमा ली कांग इन र किलीयन एम्बप्पेले एक एक गोल गरेका थिए।

फ्रेन्च सुपर कप हरेक बर्ष लिग वानको पछिल्लो विजेता र फ्रेन्च कोपाको विजेता बीच खेल्ने गरिन्छ। पिएसजीले फ्रेन्च सुपर कप योसहित १२औं पटक जितेको छ।

२०२२ मा पनि पिएसजीले नै सुपर कपको उपाधि जितेको थियो। टोउलोउसले भने योसहित दोस्रो पटक सुपर कप खेलेको छ र दुवै पटक उपविजेता बनेको छ।