काठमाडौं । एक व्यक्तिले क्यामेरामा आफ्नै मृत्यु रेकर्ड गरे। यो मृत्यु निकै पीडादायी थियो । उनी पेशाले स्काईडाइभर थिए । विमानबाट हाम फालेर उनको मृत्यु भएको हो । उनले हाम्फाल्ने क्रममा सबैभन्दा महत्त्वपूर्ण कुरा प्यारासुट बिर्सिए ।

उनको नाम इभान म्याकगुइरे थियो। घटना सन् १९८८ अप्रिलको हो । जमिनबाट १० हजार फिटको उचाइबाट प्यारासुट जम्पलाई क्यामेरामा रेकर्ड गर्न इभान निकै उत्साहित थिए । यो उनको दिनको तेस्रो जम्प थियो। उनी नर्थ क्यारोलिना, अमेरिकाको फ्र्याङ्कलिन काउन्टी स्पोर्ट्स प्यारासुट सेन्टरमा थिए।

३५ वर्षीय इभानले विमानबाट हाम फालेका थिए । तर हाम फालेपछि उनले प्यारासुट लिन बिर्सेको याद आयो । त्यतिबेला उनले सबै कुरा क्यामेरामा रेकर्ड गरिरहेका थिए । यो दुर्घटना हुनुअघि इभानले ८०० पटक सफलतापूर्वक स्काइडाइभ गरेका थिए।

पछि उनको शव उनी उडेको विमानस्थलबाट करिब डेढ किलोमिटर जङ्गलमा फेला परेको थियो । त्यसपछि घटनाको अनुसन्धान सुरु भयो । अनुसन्धानमा कुनै षड्यन्त्र भएको देखिएन । न त यो आत्महत्याको मामला थियो ।

यसलाई आकस्मिक मृत्यु घोषित गरिएको थियो। इभानले क्यामेरा उपकरणहरू समातेका थिए जसलाई प्यारासुटको रूपमा बुझे र विमानबाट हाम फाले। किनभने दुवैको तौल लगभग बराबर थियो।