काठमाडौं । पाकिस्तानको खैबर पख्तुनख्वा प्रान्तको बाजौरमा भएको विस्फोटमा परी कम्तीमा पाँच प्रहरीको मृत्यु भएको छ । विस्फोटका कारण कम्तीमा २० जना घाइते भएका छन् ।

विस्फोट हुँदा पोलियो खोप खुवाउने स्वास्थ्यकर्मीको सुरक्षाका लागि प्रहरी तैनाथ गरिएको थियो ।

बाजौरका जिल्ला प्रहरी अधिकृत कासिफ जुल्फिकारका अनुसार तहसील मामोन्ड क्षेत्रमा सडक छेउमा रहेका सुरक्षाकर्मीको गाडीलाई लक्षित गरी बम प्रहार गरिएको थियो ।

आक्रमणमा घाइते भएकाहरुलाई स्थानीय अस्पतालमा लगिएको छ, जहाँ उनीहरुको उपचार भइरहेको छ ।