काठमाडौं । इजरायलले हेगस्थित अन्तर्राष्ट्रिय अदालतलाई दक्षिण अफ्रिकाले ल्याएको मुद्दा खारेज गर्न माग गरेको छ। यस मुद्दामा दक्षिण अफ्रिकाले इजरायलले गाजामा प्यालेस्टिनीहरूको नरसंहार गरेको आरोप लगाएको छ।

संयुक्त राष्ट्रसंघको सबैभन्दा ठूलो अदालतमा इजरायलविरुद्ध चलिरहेको यस मुद्दाको सुनुवाइको आज दोस्रो र अन्तिम दिन हो । इजरायली विदेश मन्त्रालयका सल्लाहकार ताल बेकरले आईसीजेलाई भनेका छन् – दक्षिण अफ्रिकाले यस मामलामा अत्यधिक विकृत तथ्यात्मक र कानुनी चित्र प्रस्तुत गरेको छ।

उनले भने – दक्षिण अफ्रिकाको मागको अर्थ इजरायलले आफ्नो सुरक्षा गर्न सक्दैन भन्ने हो ।

बिहीबारको सुनुवाईको क्रममा, दक्षिण अफ्रिकाले इजरायललाई यसको शीर्ष नेतृत्वले गाजामा प्यालेस्टिनी जनताको विरुद्ध नरसंहार गर्ने उद्देश्यले काम गरिरहेको आरोप लगायो ।

दक्षिण अफ्रिकाले गाजामा आफ्नो सैन्य कारबाही रोक्न र प्यालेस्टिनी जनताको सुरक्षा गर्न इजरायललाई निर्देशन दिन आईसीजेसँग माग गरेको छ।