काठमाडाैं। ‘खुस्मा’ निर्माण घोषणा, धिरज र उपासनाले कस्ने भए जोडी ‘खुस्मा’ सिनेमा निर्माणको घोषणा भएको छ। माघे संक्रान्तिको अवसर पारेर सिनेमाको घोषणा गरिएको हो। सिनेमामा धिरज मगर र उपासना सिंह ठकुरी प्रमुख भूमिकामा हुनेछन्।

यो उनीहरुको पहिलो सहकार्य हो। सिनेमालाई अशोक थापा मगरले निर्देशन गर्नेछन्। थापा विभिन्न ९ वटा अन्तरर्राष्ट्रिय फिल्म फेस्टिवलमा पुरस्कृत भइसकेका छन्। दुई वटा सुटिङ तालिकामा खिचिने सिनेमाका निर्माता बेताने मगर, चन्द्र भट्टचन र सुस्मिता बुढाथोकी हुन्।

‘खुस्मा’मा एस डी योगीले सुरेन्द्र राना तथा राम अविरल विष्टको गीतमा संगीत दिनेछन् भने दिपक बज्राचार्य छायाँकार रहनेछन्। सिनेमामा धिरज र उपसनाका अलावा अस्तित्व भट्टचन, खड्क बहादुर पुन (खबपु) तथा अरुण मगरको अभिनय रहनेछ ।

प्रेम कथामा आधारित ‘खुस्मा’ एम मिडिया प्रा.लि.को ब्यानरमा निर्माण हुनेछ। सिनेमालाई गोबिन्द शाहीको काफिया फिल्मस्ले वितरण गर्नेछ।