काठमाडौं । अमेरिकाले इराकको एरबिल नजिक इरानको आक्रमणलाई “गैरजिम्मेवार र अस्पष्ट हमला” भनेको छ।

सोमबार इरानको रिभोलुसनरी गार्ड्सले इराकमा रहेको इजरायलको जासूस मुख्यालयमा ब्यालेस्टिक मिसाइलले आक्रमण गरेको बताएको थियो ।

कुर्दिश क्षेत्रीय सरकारको सुरक्षा परिषदले एक विज्ञप्ति जारी गर्दै यस आक्रमणमा चार जनाको मृत्यु भएको र छ जना घाइते भएको जनाएको छ ।

हमास र इजरायलबीच जारी युद्धको धम्की सम्पूर्ण क्षेत्रमा फैलिएको बेलामा यो हमला भएको हो ।

इराकले यो आक्रमण आफ्नो सार्वभौमसत्ताको उल्लङ्घन भएको भन्दै निन्दा गरेको छ ।

ह्वाइट हाउस राष्ट्रिय सुरक्षा परिषद्का प्रवक्ता एड्रियन वाट्सनले एक विज्ञप्तिमा भने: “हामी स्थितिको मूल्याङ्कन गर्न जारी राख्नेछौं, तर प्रारम्भिक संकेतहरूको आधारमा यो आक्रमण गैरजिम्मेवारपूर्ण र अस्पष्ट थियो।”

“संयुक्त राज्य अमेरिकाले इराकको सार्वभौमसत्ता, स्वतन्त्रता र अखण्डतालाई समर्थन गर्दछ,” उनले भने।

यसअघि रिभोलुसनरी गार्डले आफ्नो विज्ञप्तिमा भन्यो- “यहूदी शासनले हाम्रा गार्डहरूमाथि आक्रमण गरी हाम्रा कमाण्डरहरूलाई मारेको हालैको अत्याचारको प्रतिक्रियास्वरूप इराकको कुर्द क्षेत्रमा रहेको मोसाद मुख्यालयलाई ब्यालेस्टिक मिसाइलले ध्वस्त पारेको छ। ।’

गत महिना इरानले दमास्कसमा इजरायली हमलामा एक शीर्ष इरानी जनरल सेयद राजी मौसावी मारिएको बताएको थियो।