काठमाडौं । पाकिस्तानी क्रिकेट टिमका पूर्व कप्तान शोएब मलिकले दोस्रो विवाह गरेका छन् । यो विवाह यस्तो समयमा भएको हो, जब सानिया मिर्जासँगको सम्बन्धविच्छेदको खबर बाहिर आएको थियो ।

शोएब मलिकले पाकिस्तानी अभिनेत्री सना जावेदलाई आफ्नो जीवनसाथीको रुपमा रोजेका छन् र विवाह एक समारोहमा भएको छ । शोएब मलिकले आफैंले इन्स्टाग्राममा विवाहको तस्विर पोस्ट गरेका छन् ।

शोएबले विवाह गरेकी सना जावेदको पनि सम्बन्धविच्छेद भइसकेको छ । पाकिस्तानकी चर्चित अभिनेत्री मध्येकी एक साना जावेदले २०२० मा उमैर जसवालसँग विवाह गरेकी थिइन् तर चाँडै यो जोडीको बीचमा सबै कुरा ठीक नरहेको कुरा बाहिर आयो । पछि दुवैले आ–आफ्नो सामाजिक सञ्जाल अकाउन्टबाट एकअर्काको तस्बिर डिलिट गरे र त्यसपछि दुवैको सम्बन्धविच्छेद भएको खबर आयो ।

२८ वर्षीया सना जावेद पाकिस्तानका धेरै टिभी शोहरूमा देखा परेकी छिन्, उनीसँग ए मुश्त-ए-खाक, डंक र अन्य लगायत धेरै चर्चित शोहरू छन्। यसबाहेक उनी धेरै म्युजिक भिडियोमा पनि देखिएकी छिन् ।

सानिया मिर्जाले आफ्नो इन्स्टाग्रामबाट शोएब मलिकसँगका अधिकांश तस्विरहरू डिलिट गरेपछि यो अड्कलबाजी झनै चर्कियो। ८ जनवरीमा एक पोस्ट सेयर गर्दै उनले लेखेकी छिन्, ‘जब कुनै कुराले तपाईको हृदयको शान्तिमा बाधा पुर्‍याउँछ भने त्यसलाई जान दिनुहोस्।