काठमाडौं । अमेरिकाको राष्ट्रपतीय निर्वाचन अन्य देशको भन्दा धेरै फरक छ। यहाँ जनताले आफ्नो अर्को राष्ट्रपतिले आगामी ४ वर्षमा अमेरिकाको लागि के गर्ने भन्ने कुरा मात्रै हेर्दैनन् । बरु राष्ट्रपतिको उम्मेदवारबारे सामाजिक सञ्जालमा जनताको के धारणा छ भन्ने पनि उनीहरूले हेर्छन् ।

डोनाल्ड ट्रम्प अमेरिकामा पुनः निर्वाचन लड्ने तयारीमा छन् । र्‍याली र भाषणको राउन्ड जारी छ तर के उनलाई दोस्रो पटक राष्ट्रपति बन्न सजिलो हुन्छ ? ट्रम्प राष्ट्रपति बन्न सक्छन् । यसका लागि अमेरिकी गायिका-गीतकार टेलर स्विफ्टले उनलाई साथ दिनु आवश्यक छ।

सन् २०१४ को अमेरिकी राष्ट्रपतीय निर्वाचनलाई नजिकबाट नियालिरहेका विश्लेषकहरूले राष्ट्रपतिका उम्मेदवार डोनाल्ड ट्रम्प र जो बाइडेनमध्ये जसलाई समर्थन गरे पनि यी सुपरस्टारको राजनीतिक समर्थनले नोभेम्बरको चुनावलाई प्रभाव पार्न सक्ने विश्वास गर्छन्।

टेलर स्विफ्ट अमेरिकामा ३५ वर्ष भन्दा कम उमेरका मानिसहरू माझ धेरै लोकप्रिय छिन् । अमेरिकी राष्ट्रपति चुनावको पर्यवेक्षण गर्ने सञ्चार सल्लाहकार जेम्स ह्यागर्टीले टेलर स्विफ्टको लोकप्रियताबारे आफ्नो धारणा राख्दै उनले अमेरिकाको सम्पूर्ण क्षेत्रको लोकप्रिय संस्कृति, खेलकुद र अर्थशास्त्रलाई प्रभावित गरेको बताएका छन् ।

सेलिब्रेटीहरू आफैं बलियो भएकाले चुनावमा सेलिब्रेटीको शक्ति बढेको छ । ह्यागर्टीले पनि सन्देशहरूले भरिएको संसारमा सेलिब्रेटी आवाजहरू साँच्चै प्रतिध्वनित हुनेमा जोड दिए ।

यस वर्षको अमेरिकी चुनावमा लगभग ८ मिलियन नयाँ मतदाताहरू हुनेछन्। र त्यहाँ अनुमानित ४१ मिलियन जेन जेड मतदाताहरू हुनेछन्, जसमध्ये धेरै सेलिब्रेटीहरू र सोशल मिडियाबाट प्रभावित हुनेछन्। टेलर स्विफ्टलाई २०२३ को लागि टाइम म्यागजिनको ‘पर्सन अफ द इयर’ घोषित गरेको थियो ।