काठमाडौं । अमेरिकी विदेशमन्त्री एन्टोनी ब्लिन्केन साउदी अरबको राजधानी रियाद पुगेका छन् ।

यो भ्रमणका क्रममा उनले साउदी अरबका युवराज मोहम्मद बिन सलमानसँग भेट गर्नेछन् । त्यसपछि उनले इजिप्ट, कतार, इजरायल र वेस्ट बैंकको भ्रमण गर्नेछन् ।

इजिप्ट र कतारमा उनले यी दुई देशको मध्यस्थताबाट हमाससँग सुरु भएको वार्तालाई अगाडि बढाउन आग्रह गर्न सक्छन् ताकि बन्धक सम्झौता गर्न सकियोस् र गाजा द्वन्द्व अन्त्य गर्न सकियोस्।

अमेरिका, इजरायल, इजिप्ट र कतारका अधिकारीबीच युद्धविरामबारे विस्तृत छलफल भएको छ ।

ब्लिन्केनको भ्रमणको ठीक अघि, इजरायली राष्ट्रिय सुरक्षा मन्त्री एटमार बेन गभिरले अमेरिकाको आलोचना गरे र भने कि इजरायलले आफ्नो सहयोगीबाट पर्याप्त समर्थन पाएको छैन।

गभिरको आलोचनाको कारण चार यहूदी इजरायली नागरिकमाथि अमेरिकी सरकारले लगाएको प्रतिबन्ध थियो।

गत वर्ष अक्टोबर ७ मा हमास र इजरायलबीच द्वन्द्व सुरु भएयता ब्लिन्केनको यो मध्यपूर्वको पाँचौं भ्रमण हो।

यी सबै प्रयासहरूको बीचमा, संयुक्त राष्ट्रले इजरायलले सहायता सामग्री बोकेको ट्रकमा आक्रमण गरेको आरोप लगाएको छ।

तस्बिरहरू जारी गर्दै युएनआरडब्लुए निर्देशक थोमस ह्वाइटले ट्विटरमा लेखे – “इजरायली नौसेनाले खाद्य सामग्री लिएर उत्तरी गाजा प्रवेश गर्न पर्खिरहेको ट्रकमा गोली हानेको छ। धन्यबाद, कोही पनि घाइते भएनन्।”