काठमाडौं । निर्वाचनमा पराजयपछि इस्ताम–ए–पाकिस्तान पार्टी (आइपीपी)का प्रमुखले पार्टी अध्यक्ष पदबाट राजीनामा दिएर राजनीति छाड्ने घोषणा गरेका छन् ।

जहाँगीर तरिनले आफ्नो एक ट्वीटमा आफ्ना प्रतिद्वन्द्वी उम्मेदवारलाई सफलताको शुभकामना दिएका छन् । सामान्य नागरिक भएर देशको सेवा गरिरहने उनले बताए ।

यसअघि उनी पाकिस्तान तहरीक-ए-इन्साफसँग सम्बद्ध थिए र पूर्वप्रधानमन्त्री इमरान खानका नजिकका सहयोगीहरूमा गनिन्थे।

आईपीपी नेता अलीम खानले जहाँगीर खान तरीनको निर्णयबाट आफू निकै दुखी भएको बताएका छन् । उनले भने ‘उहाँ सधैं आईपीपी र हामी सबैको संरक्षक रहिरहनुहुनेछ, कुनै पनि सरकारमा उहाँको उपस्थिति त्यो सरकारको लागि सम्मानको कुरा हुने थियो।’ अलीम खानका अनुसार राजनीति बाहेक उनी मानवताको ख्याल गर्ने व्यक्ति हुन् ।

तरीनले सन् २००२ मा आफ्नो राजनीतिक करियर सुरु गरेका थिए । २०११ सम्म, उनले पञ्जाबका तत्कालीन मुख्यमन्त्री चौधरी परवेज इलाहीको कृषि र सामाजिक क्षेत्र पहलहरूमा विशेष सल्लाहकारको रूपमा काम गरे।

२०११ मा, तरीन पीटीआईमा सामेल भए र पार्टीको महासचिव बने। २०१७ पछि उनी पार्टीबाट अलग भए।