पेरिस। ट्युनिसियाका मुस्लिम धर्मगुरु इमाम महजुब महजोबीलाई फ्रान्सेली झण्डामाथि टिप्पणी गरेको भन्दै फ्रान्सबाट निष्कासन गरिएको छ ।

फ्रान्सका गृहमन्त्री गेराल्ड डार्मानिनले उनलाइ डिपोर्ट गरिएको घोषणा गरेका हुन्। फ्रान्सले आरोप लगाएको छ कि महजोब महजोबीले फ्रान्सेली झण्डालाई ‘शैतानको झण्डा’को रूपमा वर्णन गरेका थिए ।

‘कट्टरपन्थी इमाम महजोब महजोबीलाई उनको गिरफ्तारी भएको १२ घण्टा भन्दा कम समयमै राष्ट्रबाट निष्कासन गरिएको छ,’ आन्तरिक मन्त्री दरमानिनले सामाजिक सञ्जाल प्लेटफर्म ट्विटरमार्फत जानकारी दिएका छन, ‘र तपाईंलाई यति धेरै भन्न अनुमति दिइने छैन।’

यद्यपि, फ्रान्सेली समाचार संस्थाका अनुसार बागनोल्स सुर सेजको इटोबा मस्जिदमा सेवा गर्ने मुस्लिम धर्मगुरुले आफ्नो बयानको रक्षा गरेका छन्। उनले आफूलाई गलत बुझिएको र फ्रान्सेली झण्डाको अपमान गर्ने आफ्नो मनसाय कहिल्यै नभएको दाबी गरेका छन् ।

यसैबीच, उनका वकिलहरूले निष्कासन प्रक्रियाविरुद्ध अदालतमा पुनरावेदन गर्ने योजना बनाएका छन् । निष्कासन आदेशलाई उद्धृत गर्दै फ्रान्सेली मिडिया रिपोर्टहरूमा भनिएको छ कि महजोबीले इस्लामको शाब्दिक, पिछडिएको, असहिष्णु र हिंसात्मक अवधारणा व्यक्त गरे, जसमा गणतन्त्रको मूल्यमान्यता विपरीत व्यवहार, महिलाहरू विरुद्ध भेदभाव, पहिचान फिर्ता, यहूदी समुदायको उत्पीडन समावेश छ, तनाव र जिहादी कट्टरपन्थीलाई प्रोत्साहन गर्ने क्षमताको साथ।’

मुस्लिम धर्मगुरु बिहीबार साँझ ट्युनिसको लागि उडानमा भरेको जनाएका छन ।