काठमाडौं । साउदी अरबको तेल कम्पनी अरामकोको नाफामा भारी गिरावट आएको छ । सन् २०२३ मा उत्पादनमा आएको कमी र तेलको मूल्यमा आएको गिरावटलाई यसको सबैभन्दा ठूलो कारण मानिएको छ ।

सन् २०२२ मा धेरै रेकर्ड बनाएपछि अरामकोको नाफा २०२३ मा २५ प्रतिशतले घटेर १२१ अर्ब डलर पुगेको छ । तर, साउदी अरेबियाको यो सरकारी कम्पनीको नाफा अझै पनि कीर्तिमानी स्तरमा छ ।

सन् २०२३ मा कच्चा तेलको मूल्य प्रति ब्यारेल ८५ डलरमा झरेको थियो । यसबाहेक साउदी अराम्कोले पनि तेलको मूल्य नियन्त्रण गर्ने उद्देश्यले उत्पादन घटाएपछि नाफा बढाउनमा थप चुनौती थपिएको छ ।

“हामीले सन् २०२३ मा शुद्ध आम्दानीको हिसाबले दोस्रो उत्कृष्ट प्रदर्शन हासिल गरेका छौं,” आरामकोका प्रमुख कार्यकारी अमिन नासेरले एक विज्ञप्तिमा भने।

त्यहाँ तेलको माग बढ्दै गएकाले अब यो तेल कम्पनीले चीनमा लगानीको अवसर खोज्ने नसिरले बताए । अराम्कोले यसअघि पनि चिनियाँ रिफाइनरीमा लगानी गरिसकेको छ ।