काठमाडौं। डायबिटीज एक जीवनशैली रोग हो जसको कारण आज धेरै संख्यामा मानिसहरू पीडित छन्। बदलिँदो खानपान र जीवनशैलीका कारण आज सुगरका बिरामीको संख्या ह्वात्तै बढेको छ ।

मधुमेहको समस्या सामान्यतया हाम्रो शरीरले ग्लुकोज नियन्त्रण गर्न नसक्दा देखापर्छ। हाम्रो शरीरलाई ऊर्जा प्रदान गर्ने काम ग्लुकोजले गर्छ। जुन हामीले खानाबाट प्राप्त गर्छौं । जब हाम्रो शरीरले यो ग्लुकोजलाई ऊर्जामा परिणत गर्न सक्दैन, यसले मधुमेह निम्त्याउँछ।

कुनै पनि रोगको जोखिम कम गर्न, यसको प्रारम्भिक चरणहरूमा पहिचान गर्न महत्त्वपूर्ण छ। तर, सुरुमा मधुमेह पहिचान गर्न निकै गाह्रो हुन्छ, किनभने प्रायः सुरुमा कुनै गम्भीर लक्षणहरू देखिँदैनन्।

हामी तपाईलाई खुट्टामा देखिने केहि लक्षणहरु बताउन गइरहेका छौँ जसले मधुमेहको स्पष्ट संकेत गर्छ । यदि तपाईंले समयमै संकेतहरू बुझ्नुभयो भने, तपाईंले यो रोग नियन्त्रण गर्न सक्नुहुन्छ। जानौं खुट्टामा देखिने मधुमेहका ५ लक्षणहरू।

खुट्टा सुन्निनेः यदि तपाईको खुट्टा बिना कारण सुन्निएको छ भने यो मधुमेहको गम्भीर लक्षण हुन सक्छ। यसको साथमा, यदि तपाइँको खुट्टा र घुँडा मुनिको भाग सुन्निएको छ भने मधुमेहको संकेत हुन सक्छ। मधुमेह रोगीको शरीरमा रक्तसञ्चार ठीक नहुँदा यस्तो समस्या आउन सक्छ । चिकित्सक संग सल्लाह लिन सक्नुहुनेछ।

लगातार खुट्टा सुन्निनेः यदि तपाई लगातार आफ्नो खुट्टा सुन्निने समस्याको सामना गरिरहनु भएको छ भने, यो तपाईको शरीरमा ग्लुकोजको मात्रा बढेको संकेत हुन सक्छ।

डायबिटीज रोगीहरूले प्रायः आफ्नो खुट्टामा झुन्झने समस्याको सामना गर्छन्। यसको पछाडिको कारण यो हो कि मधुमेहमा हाम्रो रगतमा चिनीको मात्रा बढ्छ जसले हाम्रो शरीरको नसालाई क्षति पुर्‍याउँछ। जसका कारण खुट्टामा यस्तो समस्या आउन सक्छ ।

सुख्खा छालाः डायबिटीजका रोगीहरुको खुट्टाको छाला प्रायः सुख्खा र निर्जीव हुन थाल्छ । यसका साथसाथै यदि तपाइँ आफ्नो खुट्टाको छालामा सुख्खापन र चिलाउने जस्ता समस्याहरू सामना गर्दै हुनुहुन्छ भने, यो मधुमेहको लक्षण हुन सक्छ। वास्तवमा मधुमेहका कारण छालामा पोषकतत्व राम्ररी पुग्दैन जसले गर्दा यो समस्या हुन्छ ।

खुट्टामा दुखाइः यदि तपाईको खुट्टामा एक्कासी दुखाइ र क्र्याम्प छ भने, यो मधुमेहको लक्षण हुन सक्छ। यसबाहेक राती सुत्नुअघि यस्तो दुखाइ भएमा मधुमेहका कारण हुने सम्भावना धेरै हुन्छ । यदि तपाई पनि यस्तो समस्याबाट ग्रसित हुनुहुन्छ भने ढिलो नगरी चिकित्सकको सल्लाह लिनुपर्छ ।

खुट्टाको घाउ छिट्टै निको हुँदैनः मधुमेहको सबैभन्दा महत्त्वपूर्ण लक्षण भनेको यसबाट पीडित व्यक्तिको शरीरमा लागेको घाउ सजिलै निको नहुनु हो। यदि तपाईको खुट्टामा चोट लागेको छ र निको हुन धेरै समय लागेको छ भने तपाई मधुमेहको शिकार हुनुभएको प्रष्ट संकेत हो ।