काठमाडौं। बुधबार बिहानदेखि जारी हल्का वर्षाले काठमाडौंको जनजीवन प्रभावित बनेको छ।

देशका विभिन्न भूभाग लगायत उपत्यकामा जारी वर्षाले यहाका मानिसहरुको दिनचर्यामा असर पारेको छ।

जारी वर्षाले पैदल र गाडीमा सवार यात्रुलाई पनि गन्तव्यमा पुगेर फर्कन असहज बनाएको छ भने दैनिकजसो ज्यालादारी काम गर्नेहरुकाे  कामकाजमा समेत असर पुर्‍याएको छ।

मौसम विज्ञान विभागका अनुसार कोशी, बागमती र गण्डकी प्रदेशका केही स्थानमा र बाँकी प्रदेशका थोरै स्थानमा हल्का वर्षा भइरहेको छ।