काठमाडौं । लन्डनस्थित इनभिजिबिलिटी शिल्ड कम्पनीको टोलीले मानिस अदृश्य हुने प्रविधि बनाएको छ । यो प्रविधि विकास गर्न चार वर्ष लागेको थियो। यो एक प्रकारको शिल्ड हो जसको पछाडि गएपछि मानिस अदृश्य हुन्छ ।

अदृश्यता शिल्ड डिजाइनर ट्रिस्टन थम्पसनले भने: ‘सम्भावनाहरू अनन्त छन् तर सबैभन्दा महत्त्वपूर्ण कुरा यो हो कि यी शिल्डहरू धेरै रमाइलो छन्। एउटा शिल्ड जुन तपाईं आफ्नो काँधमा झुन्ड्याउन सक्नुहुन्छ, र कसैले तपाईंलाई देख्न सक्दैन। दुई वर्षअघि कसैले पनि यस्तो गर्न सक्छ भन्ने सोचेका थिएनन् । तर हामीले गर्‍यौं।’

शिल्डको सतहमा अल्ट्रा लार्ज प्रिसिजन लेन्स एरे भएका कारण यसले काम गर्छ । यसले शिल्ड पछाडि उभिएको व्यक्तिको परावर्तन हटाउँछ। सरल भाषामा बुझ्दा – हामी कुनै चीज वा व्यक्तिको शरीर त्यतिबेला देख्न सक्छौं जब त्यसमा प्रकाश परावर्तित हुन् र हाम्रो आँखामा आउँछ । यस एरे शिल्डले यो परावर्तन हटाउने काम गर्दछ जसको कारण अगाडिको व्यक्तिले केहि देख्न सक्दैन।