काठमाडौं । युक्रेनी राष्ट्रपति भोलोडिमिर जेलेन्स्कीले अमेरिकी प्रतिनिधि सभामा युक्रेनलाई सहयोग गर्न ६१ बिलियन डलर राहत प्याकेज पारित गरेकोमा प्रतिक्रिया व्यक्त गरेका छन्।

जेलेन्स्कीले यो सहयोगका लागि अमेरिकालाई धन्यवाद दिएका छन् । जेलेन्स्कीले अब हजारौंको ज्यान बचाउन सक्ने बताएका छन् ।

अमेरिकी कांग्रेसमा युक्रेनलाई सहयोग गर्ने प्रस्तावको पक्षमा ३११ मत परेको थियो । तर, यो प्रस्तावको विपक्षमा पनि ११२ मत परेको थियो ।

अब यो प्रस्ताव पारितका लागि अमेरिकी सिनेटमा जानेछ । अबको केही दिनमा सिनेटबाट पारित हुने अपेक्षा गरिएको छ । तर, युक्रेन विगत ६ महिनादेखि यो राहत प्याकेजको पर्खाइमा छ ।

भर्खरै युक्रेनका प्रधानमन्त्री डेनिस श्मिहलले रुसले युक्रेनलाई हराए विश्वले तेस्रो विश्वयुद्धको सामना गर्नुपर्ने डर व्यक्त गरेका थिए ।