काठमाडौं । म्यानमारका सरकारी सेनाले सीमावर्ती महत्वपूर्ण सहर म्यावाडेमा पुन: प्रवेश गर्न सफल भएका छन् । विद्रोही सेनाले यसै महिना यो महत्वपूर्ण सहर आफ्नो नियन्त्रणमा लिएको थियो ।

रिपोर्टहरूका अनुसार जातीय रूपमा सशस्त्र विद्रोही समूह शहरका कम्तीमा केही भागहरूबाट पछि हटेको छ।

म्यान्मारको सेनाले म्यावाडे सहरलाई नियन्त्रणमा लिन आक्रमण सुरु गरेपछि विद्रोही केही क्षेत्रबाट पछि हटेका थिए ।

यो सहर थाइल्याण्डको सिमानामा अवस्थित छ । जब जातीय समूह मिलेर बनेको विद्रोही सेनाले यस महिना म्यावाडेलाई कब्जा गरे, यसलाई म्यानमारको सैन्य सरकारको लागि ठूलो धक्का र प्रजातन्त्र समर्थकहरूको लागि ठूलो जीत मानिएको थियो।

म्यानमारमा तीन वर्षअघि प्रजातान्त्रिक सरकारलाई हटाएर सेनाले ‘कू’ गरेको थियो। त्यसयता मुलुकमा आन्तरिक द्वन्द्व चलिरहेको छ ।

म्यानमारका धेरै क्षेत्रमा विद्रोहीहरूले सैन्य बललाई परास्त गर्न सफल भएका छन् ।