काठमाडौं । न्यूयोर्क प्रहरीले मंगलबार कोलम्बिया विश्वविद्यालयको क्याम्पसमा प्रवेश गरी प्रदर्शन गरिरहेका धेरै विद्यार्थीहरूलाई पक्राउ गरेको छ।

कोलम्बियाको विद्यार्थी रेडियो स्टेशनले रिपोर्ट गरेअनुसार न्यूयोर्क पुलिसको बस ११६ औं स्ट्रीट र ब्रडवेमा आइपुगेको थियो ।

यूएस टिभी नेटवर्कहरूमा प्रसारित फुटेजले प्रदर्शनकारीहरूलाई देखाएको छ जसमध्ये धेरैले कोलम्बिया-ब्रान्डको स्वेटसर्ट र अन्य लुगा लगाएका थिए र बसहरूमा प्रवेश गरेका थिए।

कति विद्यार्थी पक्राउ परेका छन् भन्ने अहिलेसम्म थाहा छैन ।

एक प्रहरी अधिकारीले सीएनएनलाई भनेअनुसार न्यूयोर्क पुलिसले आजको अभियानमा अश्रु ग्यास प्रयोग गरेको छैन तर फ्ल्यास ब्याङ ग्रेनेडहरू प्रयोग गरेको छ।

अमेरिकाको न्यूयोर्कस्थित कोलम्बिया विश्वविद्यालयको क्याम्पसमा मंगलबार राति न्युयोर्क प्रहरी प्रवेश गरेको छ ।

गाजा युद्धलाई लिएर प्यालेस्टिनीहरूको समर्थनमा अमेरिकाको कोलम्बिया विश्वविद्यालयमा विगत केही दिनदेखि व्यापक विरोध प्रदर्शन भइरहेको छ।

क्याम्पसमा रहेको ह्यामिल्टन हललाई यहाँका विद्यार्थीहरूले कब्जामा लिएको खबर आएको थियो । उनीहरु झ्यालको सिसा तोडेर भित्र पसे ।

त्यसपछि प्रहरी क्याम्पसमा प्रवेश गरेको थियो ।