काठमाडौं। राष्ट्रपति रामचन्द्र पौडेलले खर्च र हिसावको पारदर्शीता भए देशमाथिको विश्वश्नीयता बढ्दै जाने बताएका छन्।

बिहीबार काठमाडौंमा नेपाल चार्टर्ड एकाउण्टेण्ट्स संघ (एक्यान)ले आयोजना गरेको कार्यक्रमलाई सम्बोधन गर्दै राष्ट्रपति पौडेलले कुनै देशले सहयोग गर्दा देशको खर्च र हिसावको पारदर्शीता हेर्ने भएकाले यसमा पारदर्शीता भए देशमाथिको विश्वश्नीयता बढ्दै जाने बताएका हुन्।

उनले ठूला आयोजनामा हुनसक्ने फर्जि बिल र अनियमितता लेखापरिक्षणबाटै हुने भएकाले यस क्षेत्रको धेरै महत्व रहेको धारणा राखे । पारदर्शीता र सुशासन एक अर्काका पुरक भएको भएको भन्दै उनले  न्यायोचित ढंगबाट कार्यसम्पादन गरिरहेका लेखापरीक्षकहरु राष्ट्रका आर्थिक पहरेदार रहेको धारणा समेत व्यक्त गरे ।

मुलुकभर सक्रिय लेखापरीक्षककै कारण भएका स्पष्ट हिसाबलाई आर्थिक सुरक्षाको एउटा पाटोको रुपमा लिन सकेको उनले बताए । उनले न्यायोचित ढंगबाट कार्यसम्पादन गरिरहेका लेखापरीक्षकहरु राष्ट्रका आर्थिक पहरेदार भएको धारणा राखे।

त्यस्तै कृषि तथा पशुपन्छी विकासमन्त्री ज्वाला कुमारी साहले नयाँ पुस्ताका लेखा परिक्षकहरुले राष्ट्रको आर्थिक बिकासमा लेखाको महत्वकाबारे देखाएको चासो महत्वपूर्ण रहेको बताएकी छिन् । उनले आर्थिक ज्ञानको बारेमा जानकारी गराउन सके मुलुकको आय व्ययको अवस्था जनताले थाहा पाउन सक्ने धारणा राखिन् । मन्त्री साहले नेपालका लेखा परिक्षकहरुलाई पलाउन हुनुपर्ने अवस्थाबाट रोक्न आवश्यक भूमिका खेल्ने उल्लेख गरेकी छिन्।

त्यस्तै नेपाल उद्योग वाणिज्य महासंघका अध्यक्ष चन्द्रप्रसाद ढकालले संसारका लगानीकर्तालाई आमन्त्रण गर्न गरिएको लगानी सम्मेलनले आशा पलाएको बताए । मुलुकमा आर्थिक सुशासन कायम गर्न चार्टर्ड एकाउण्टेण्ट्स संघको भूमिका अपरिहार्य रहेको उनले बताए । आर्थिक सङ्कटको समाधानका विषयमा बहस गर्न संघले राष्ट्रिय सम्मेलनको आयोजना गरेको हो ।