काठमाडौं । रुसको बेलगोरोड सहरमा रहेको एउटा दश तले अपार्टमेन्टको पूरै भाग युक्रेनको मिसाइल हमलापछि भत्किएको छ ।

स्थानीय गभर्नरका अनुसार युक्रेनी मिसाइलले सो भवनमा प्रत्यक्ष प्रहार गरेको थियो । प्रारम्भिक रिपोर्ट अनुसार करिब १५ जना भग्नावशेषमा फसेका छन् ।

बाँकी भवन भत्कने डरले खाली गराइएको छ । बेलगोरोडबाट धेरै टाढा रसिया-युक्रेन सीमा छ जहाँ युद्ध जारी छ।

रुसी सेनाले खार्किभ क्षेत्रमा अगाडि बढ्ने प्रयास गरिरहेको छ । रुसी सेनाले शुक्रबार खार्किभमा आक्रमण गरेको थियो ।

खार्किभका गभर्नरका अनुसार रुसी आक्रमण सुरु भएयता यहाँबाट करिब चार हजार मानिसलाई सुरक्षित स्थानमा सारिएको छ ।