काठमाडौं । पाकिस्तानको सत्तारुढ दल पीएमएल–एन पार्टीले पूर्व प्रधानमन्त्री नवाज सरिफलाई पार्टीको अध्यक्ष बनाउने निर्णय गरेको छ । रिपोर्टका अनुसार उनलाई मे २८ मा अध्यक्ष बनाउने निर्णय भएको छ । यस बाहेक प्रधानमन्त्री शहबाज शरीफलाई पार्टीको कार्यवाहक अध्यक्षमा नियुक्त गरिएको छ।

यस हप्ताको सुरुमा, शहबाज सरिफले पार्टी सुप्रिमो र उनका दाजु नवाज शरीफलाई प्रधानमन्त्रीको पदबाट अयोग्य ठहराएको भन्दै अध्यक्ष पदबाट राजीनामा दिएका थिए र अब नवाज शरीफलाई पाकिस्तान मुस्लिम लिगमा सामेल हुने समय आएको बताएका थिए।

पाकिस्तान मुस्लिम लिग–नवाज (पीएमएल–एन) पार्टीको केन्द्रीय कार्यसमितिको बैठकले यो निर्णय गरेको हो । द न्युज इन्टरनेशनलको रिपोर्ट अनुसार पार्टी लाहोरका अध्यक्ष सैफ उल मलूक खोखरले पनि यसको पुष्टि गरेका छन् । यसअघि यही मे ११ मा तय भएको पार्टीको महासभा अब मे २८ मा ‘यौम–ए–तकबिर’का अवसरमा यही मे २८ मा बस्नेछ । यही दिन नवाजले पदभार ग्रहण गर्नेछन् ।