काठमाडौं । मेक्सिकोको पहिलो महिला राष्ट्रपतिमा क्लाउडिया शेनबाउम निर्वाचित भएकी छन् । क्लाउडियाले चुनावमा ठूलो जित हासिल गरेकी छिन् ।

मेक्सिकोको निर्वाचन आयोगले नतिजाले ६१ वर्षीया क्लाउडियाले ५८ देखि ६० प्रतिशत मत प्राप्त गरी विजयी भएको जनाएको छ ।

मेक्सिकोमा आइतबार निर्वाचन भएको थियो । यी चुनावमा क्लाउडियाको अगाडि सोरचिल गाल्भेस नामक महिला उम्मेदवार थिइन् ।

क्लाउडिया स्कोर्चिलभन्दा ३० प्रतिशत बढी अंक बनाएर अगाडि रहिन् । शोरचिल एक व्यापारी हुन् र क्लाउडिया मेक्सिको सिटीको मेयर भइसकेकी छिन्।

क्लाउडियाले आफ्ना गुरु र मेक्सिकोका राष्ट्रपति एन्ड्रेस म्यानुएल लोपेज ओब्राडोरको स्थान लिनेछिन्। उनी अक्टोबर १ गतेसम्म यही पदमा रहनेछन् ।