काठमाडौं । इजरायली सेनाले दक्षिणी गाजाको रफाहमा “सैन्य गतिविधि” मा आफ्ना आठ सैनिक मारिएको जनाएको छ।

समाचार एजेन्सी एएफपीले इजरायली सञ्चारमाध्यममा सशस्त्र गाडीको विष्फोटबाट आठ सैनिकको मृत्यु भएको खबर आएको जनाएको छ ।

इजरायली सेनाले मृतक मध्ये एक जना क्याप्टेन भएको र मारिएका अन्यको नाम पछि सार्वजनिक गरिने बताएको छ ।

सेनाले एक विज्ञप्ति जारी गर्दै मृतक सैनिकका परिवारलाई जानकारी गराएको जनाएको छ ।

अर्कोतर्फ, हमासको सशस्त्र समूह (इज्जेदिन अल-कसाम ब्रिगेड्स) ले इजरायली सेनाको बुलडोजरमा रकेट प्रहार गरेको र त्यसमा आगो लागेको बताएको छ।

हमासका अनुसार सहयोग गर्न आएको एउटा सशस्त्र गाडीलाई पनि रकेटले निशाना बनाएको थियो, जुन आक्रमणमा ध्वस्त भएको थियो।

विगत केही सातादेखि इजरायली सेनाले रफाहमा हमासको स्थानमा आक्रमण गर्दै आएको छ । उनीहरूको दाबीअनुसार हमासका अन्तिम केही बटालियनहरू यहाँ लुकेका छन्।