काठमाडौं । सानो बच्चामा कुनै प्रतिभा छ भने उनका आमाबाबुले उनको सीपमा सुधार गर्नको लागि उनलाई त्यही क्षेत्रमा प्रशिक्षण दिन्छन्। तर भर्खरै चर्चामा आएका जर्मनीका २ वर्षीय बालक लरेन्ट स्वार्जले भने आमाको गर्भबाटै विशेष तालिम लिएर आएको देखिन्छ ।

न्यु योर्क पोस्टका अनुसार लरेन्टले बनाएका जनावरहरूका परन्टिङहरूले निकै चर्चा पाइरहेका छन् । उनका पेन्टिङहरू ७ हजार डलर (९.३३ लाख रुपैयाँ) सम्म बिक्री भएका छन्।

लरेन्टको कला यात्रा गत वर्ष पारिवारिक बिदामा सुरु भएको थियो जब उनले रिसोर्टको एक्टिभिटी रूममा चित्र बनाउन थाले । घर फर्किएपछि उनका आमाबुवाले उनलाई एउटा आर्ट स्टुडियो बनाइदिए।

समाचार रिपोर्टहरूका अनुसार लरेन्टको चित्रहरूमा हात्ती, डायनासोर र घोडाहरू जस्ता जनावरहरूको आकृतिहरूको अद्वितीय मिश्रण छ।

आफ्नो छोराको प्रतिभा देखेर उनकी आमा लिसाले ती चित्रहरुको लागी एक इन्स्टाग्राम खाता सिर्जना गरिन् । खाताले छिट्टै लोकप्रियता प्राप्त गर्यो र २९ हजार भन्दा बढी फलोअरहरू प्राप्त गर्यो। अब लिसाले लरेन्टका चित्रहरू अनलाइन बेच्न थालेकी छन्।

अप्रिलमा म्युनिखको सबैभन्दा ठूलो कला मेला (एआरटी एमयूसी) मा सफल डेब्यू पछि, लरेन्टका चित्रहरूले संसारभरका सङ्कलनकर्ताहरूका बीचमा घर फेला पारेका छन्। न्यूयोर्क शहरको ग्यालरीमा लरेन्टका चित्रहरूको प्रदर्शनीका लागि छलफल भइरहेको छ।