काठमाडौं – संघीय संसदअन्तर्गत तीनवटा समितिको बैठक आज बस्दैछ।

संसदीय सुनुवाइ समितिको बैठक मध्याह्न १२ बजे बस्ने भएको छ। बैठकमा प्रस्तावित निर्वाचन आयुक्तको सुनुवाइ प्रारम्भ हुनेछ ।

यस्तै मध्याह्न सवा १२ बजे नै उद्योग तथा वाणिज्य र श्रम तथा उपभोक्ता हित समितिको बैठक बस्दैछ। बैठकमा नेपाल सिमेन्ट उत्पादक संघबाट प्राप्त निवेदनका सन्दर्भमा संघका प्रतिनिधिसँग छलफल हुनेछ।

दिउँसो १ बजे बस्ने सार्वजनिक नीति तथा प्रत्यायोजित विधायन समितिको बैठकमा पुरानो संसद् भवनको पुननिर्माण सम्बन्धमा निर्माणको प्रगति विवरणबारे छलफल हुनेछ।