काठमाडौं । अमेरिकाको क्यालिफोर्नियामा बेलायती राजपरिवारका सदस्यको स्वामित्वमा रहेका सामानहरुको लिलामी भएको छ । यी ४० लाख पाउण्डभन्दा बढीमा लिलामी भएका थिए ।

लिलामी हुने वस्तुहरूमा राजकुमारी डायनाका डिजाइनर लुगा र नोटहरू पनि समावेश छन्। २०० भन्दा बढी वस्तुहरू बिक्रीमा समावेश थिए। यसमा धेरै जसो डायनाको व्यक्तिगत चीजहरूको संग्रह थियो।

बेलायती डिजाइनर भिक्टर एडेल्स्टाइनको म्याजेन्टा सिल्क र लेसको अफ-द शोल्डर साँझको पोशाक सबैभन्दा महँगो बिक्रि भएको थियो। यो ९ लाख १० हजार डलरमा बिक्री भएको थियो । डायनाले सन् १९८७ मा लन्डन र जर्मनीमा यो पोशाक लगाएकी थिइन् ।

यो रकम लिलामीका लागि तोकिएको मौलिक मूल्यभन्दा साढे चार गुणा बढी हो ।

जुन २६ मा लस एन्जलसको पेनिन्सुला बेभर्ली हिल्समा आयोजित ‘प्रिन्सेस डायनाज एलिगेन्स एन्ड ए रोयल कलेक्शन’ शीर्षकको लिलामी कार्यक्रममा राजकुमारी डायनाका मनपर्ने डिजाइनर एडेलस्टेन, क्यारोलिन चार्ल्स र क्याथरिन वाकरले डिजाइन गरेका लुगाहरू समावेश थिए।

राजकुमारी डायनाको मुर्रे अर्बिड मिडनाइट नीलो स्ट्र्यापलेस गाउन, जुन उनले १९८६ र १९८७ मा लगाएकी थिए, धेरै महंगोमा बिक्यो। यो गाउन ७ लाख ८० हजार डलरमा लिलाम भएको थियो, जुन आधार मूल्यभन्दा चार गुणा बढी हो ।

लिलामीमा राजकुमारी डायनाले लेखेका २० भन्दा बढी पत्र, नोट र कार्डहरू पनि समावेश थिए।