काठमाडौं । गाजामा विगत ९ महिनादेखि इजरायल र हमासबीच जारी युद्धमा फेरि युद्धविरामको आशा बढेको छ । इजरायलपछि हमासले पनि अमेरिकी प्रस्तावलाई स्वीकार गरेको छ ।

यस प्रस्ताव अन्तर्गत तीन चरणमा युद्धबिराम हुनेछ। जसले दुबै पक्षलाई “बिना ढिलाइ र निःशर्त” प्रस्तावका सर्तहरू कार्यान्वयन गर्न आग्रह गर्दछ। इजरायलले यसलाई पहिले नै स्वीकार गरिसकेको थियो तर हमासले मानेको थिएन।

यस प्रस्तावको पहिलो चरणमा महिला, वृद्ध र घाइतेसहित बन्धकहरूको रिहाइ, प्यालेस्टिनी बन्दीहरूको आदानप्रदान, जनसंख्या भएको क्षेत्रबाट इजरायली सेनाको फिर्ता, प्यालेस्टाइनीहरूलाई उत्तरी लगायत सम्पूर्ण एन्क्लेभमा आफ्नो घर फर्काउने र ठूलो मात्रामा मानवीय सहायता सहित पूर्ण युद्धबिराम समावेश छ।

दोस्रो चरणमा शत्रुताको पूर्ण अन्त्य र गाजामा बन्धकहरूलाई रिहा गर्ने बदलामा गाजाबाट इजरायली सेनाको पूर्ण फिर्ती समावेश हुनेछ।

तेस्रो चरणले गाजाको लागि बहु-वर्षीय पुनर्निर्माण योजना सुरु गरिनेछ। गाजा पट्टीमा मारिएका बन्धकहरूको शव इजरायललाई हस्तान्तरण गरिनेछ। यस प्रस्तावमा हमासले सम्झौतामा हस्ताक्षर गर्नुअघि इजरायलले पहिले स्थायी युद्धविराम गर्नुपर्ने माग गरेको थियो तर इजरायलका प्रधानमन्त्री बेन्जामिन नेतान्याहुले गाजामा हमासलाई समाप्त नपारेसम्म आफ्नो सेना फिर्ता नगर्ने स्पष्ट पारेका थिए ।