नारायणगढ-मुग्लिन सडकखण्डमा पहिरोले दुई बस बगाउँदा त्रिशूलीमा बेपत्ता
![नारायणगढ-मुग्लिन सडकखण्डमा पहिरोले दुई बस बगाउँदा त्रिशूलीमा बेपत्ता](https://www.dcnepal.com/wp-content/uploads/2024/07/1720745763_trishuli_river-1200x560-1.jpg)
चितवन। नारायणगढ-मुग्लिन सडकको सिमलतालमा लेदोसहितको पहिरो बगाउँदा दुईवटा बस त्रिशूली नदीमा बेपत्ता भएको छ। ती बसमा चालकसहित ६५ जना रहेका बताइएको छ।
घटनास्थलमा पुग्नुभएका चितवनका प्रमुख जिल्ला अधिकारी इन्द्रदेव यादवका अनुसार आज बिहान ३ः३० बजे दुई बस त्रिशूलीमा खसेका हुन्। उहाँका अनुसार काठमाडौँबाट रौतहटको गौर जाँदै गरेको गणपति डिलक्स र वीरगञ्जबाट काठमाडौँ जाँदै गरेको एञ्जल बस त्रिशूलीमा खसेका हुन्।
प्रजिअ यादवका अनुसार गौर जाँदै गरेको बसमा ४१ र काठमाडौँ जाँदै गरेको बसमा २४ जना रहेका थिए। उनले भने, “हामी घटनास्थलमा छौं। पानी परिरहेकाले छ। उद्धारको काम लिएको छ। पहिरो पन्छाउन सुरु गरिएको छ।”
उनले ती बसमा रहेका यात्रुको यकिन विवरण प्राप्त भइ नसकेको बताए।
प्रतिक्रिया
Facebook Comment