काठमाडौं । महाराष्ट्रको हिंगोलीको कलगाउँका किसानले जिल्ला अधिकारीसँग अनौठो माग गरेका छन् । किसानहरूले आफ्नो खेतमा जान र बालबालिकालाई विद्यालय पठाउन हेलिकप्टरको माग गरेका छन् ।

वर्षायाममा सडक बिग्रिएर आवतजावतमा निकै समस्या हुने गरेको उनीहरूको भनाइ छ । यस्तो अवस्थामा गाउँलेहरूसँग हेलिकप्टर प्रयोग गर्ने वा प्रशासनले उनीहरूको खेतमा पुग्ने सडक बनाइदिने विकल्प मात्र बाँकी छ ।

वास्तवमा त्यहाँको सडक कलगाउँबाट भण्डे गाउँ जान्छ। कलगाउँका कृषकहरूले आफ्नो खेतमा जान र छोराछोरीलाई भण्डेगाउँमा विद्यालय पठाउनका लागि यो बाटो प्रयोग गर्नुपर्छ।

मानिस वा जनावर बिरामी परे अस्पताल जाने बाटो पनि यही हो । तर वर्षायाममा गाउँका किसान र बालबालिकालाई ४ महिनासम्म यो बाटो भएर आवतजावत गर्न निकै समस्या हुने गरेको छ ।

गाउँलेको समस्यालाई मध्यनजर गर्दै सडकको सर्वेक्षण गरिएको छ । कच्ची सडक निर्माणका लागि पीडब्लुडीले स्वीकृति समेत दिएको भएपनि अहिलेसम्म सडक निर्माण हुन सकेको छैन ।

यसबारे गाउँलेहरूले अधिकारीहरूलाई गुनासो गरे, ज्ञापनपत्र दिए तर यो समस्यामा कसैको ध्यान गएको छैन। आज पनि गाउँका कृषक तथा विद्यार्थीलाई यो बाटोबाट आवतजावत गर्न समस्या भइरहेको छ ।

गाउँका किसानले आफ्नो खेतमा पुग्न र बालबालिकालाई विद्यालय जानका लागि सडक बनाउन वा हेलिकप्टर उपलब्ध गराउन माग गर्दै कलेक्टरलाई ज्ञापनपत्र दिएका छन् ।

किसानको अनौठो मागलाई लिएर हिंगोलीका जिल्ला अधिकारी जितेन्द्र पापल्करले के कारबाही गर्छन हेर्न बाँकी छ ।