काठमाडौं । चीनमा बाढीका कारण एउटा पुल भत्किँदा कम्तीमा ११ जनाको मृत्यु भएको छ ।

चीनको शान्जी प्रान्तको शाङ्लुउ सहरमा भएको दुर्घटनामा ३० जना बेपत्ता भएको पनि समाचार छ ।

भारी वर्षाका कारण आएको बाढीका कारण पुल भाँचिएको अधिकारीहरुले बताएका छन् ।

राहत टोलीले नदीमा बगेका केही सवारीसाधनलाई उद्धार गरेको छ । चिनियाँ राष्ट्रपति सी जिनपिङले बेपत्ता व्यक्तिको खोजी गर्न निर्देशन दिएका छन् ।