काठमाडौं । अमेरिकी राज्य हवाईका गभर्नरले गत वर्ष माउईको जंगलमा लागेको भीषण आगलागीबाट प्रभावित दुई हजारभन्दा बढीको दाबीका लागि ४ अर्ब डलरको राहत घोषणा गरिएको बताएका छन् ।

हवाई गभर्नर जोस ग्रीनको कार्यालयले यो सम्झौता लगभग ४५० कानूनी मुद्दाहरू समाधान गर्न प्रस्ताव गरिएको पुष्टि गरेको छ। गत वर्ष अगस्टमा हवाईको माउईको जंगलमा भीषण आगलागी भएको थियो ।

यस आगलागीमा १०० भन्दा बढी मानिसको ज्यान गएको थियो भने अमेरिकाको पुरानो सहर लहाइना पनि ध्वस्त भएको थियो । हवाईका गभर्नरका अनुसार सबै दावीकर्ताहरूलाई भुक्तानी २०२५ को मध्यबाट सुरु हुनेछ।