काठमाडौं । अमेरिकी पूर्व राष्ट्रपति डोनाल्ड ट्रम्पले गुगलको सर्च इन्जिनमा सेन्सर गरिएको भन्दै आलोचना गरेका छन् । उनका अनुसार उनीसँग सम्बन्धित जानकारी र उनका फोटोहरू सर्च इन्जिनहरूमा सेन्सर गरिएको छ, जुन एकदम गैरजिम्मेवारपूर्ण छ। यस्तै एक विज्ञप्तिमा उनले फेसबुकका सीईओले आफ्नो गल्ती स्वीकार गर्दै आफूसँग माफी पनि मागेको बताएका छन् ।

अमेरिकी राष्ट्रपति चुनावमा रिपब्लिकन पार्टीका उम्मेदवार ट्रम्पले फेसबुकका सीईओ मार्क जुकरबर्गले पनि आफूले ‘डेमोक्र्याटलाई समर्थन नगर्ने’ बताएको बताएका छन् ।

फक्स न्युजसँगको एक अन्तर्वार्तामा ट्रम्पले भने, “गुगल धेरै खराब छ। तिनीहरू धेरै गैरजिम्मेवार छन्। मलाई लाग्छ कि गुगल बन्द हुने नजिक पुगेको छ किनभने कंग्रेसले यसलाई सहने छैन। गुगल सावधान रहनुपर्छ।”

उनले १३ जुलाईमा आफूमाथि भएको प्राणघातक हमलाको तस्बिर वा अन्य जानकारी गुगलमा फेला पार्न गाह्रो भएको आरोप लगाए । यद्यपि गुगलले यी आरोपहरूलाई अस्वीकार गर्दै आएको छ।

गुगलले एक सामाजिक सञ्जाल पोस्टमा केही हप्ताहरूमा एक्समा मानिसहरूले गुगलमा खोजहरू ‘सेन्सर’ भइरहेका छन् वा केही सर्तहरू ‘प्रतिबन्धित’ भएको बताइरहेको उल्लेख गर्दै यो दाबी सत्य नभएको बताएको छ ।