काठमाडौं । बंगलादेशको अन्तरिम सरकारले जुलाईमा आरक्षण विरोधी आन्दोलनका क्रममा मानिसहरूको ज्यान जानुमा जिम्मेवार रहेका व्यक्तिहरूबिरुद्ध अन्तर्राष्ट्रिय फौजदारी न्यायाधिकरणमा मुद्दा चलाउने भएको छ।

कानून, न्याय र संसदीय मामिलासम्बन्धी अन्तरिम सरकारका सल्लाहकार आसिफ नजरुलले बुधबार भने, “आरक्षण सुधार आन्दोलनका क्रममा भएको ‘नरसंहार’ र गोलीबारीको लागि जिम्मेवारहरू विरुद्ध सुनुवाइका लागि केही मुद्दा दायर भइसकेको छ। तर विद्यार्थी, मानवअधिकार संगठन र अन्य धेरैले यसलाई मानवता विरुद्धको अपराधका रूपमा छानबिन गरिनुपर्छ भन्छन्।’

“हामीले जुलाईमा भएको ‘नरसंहार’का लागि जिम्मेवार व्यक्तिहरूलाई अन्तर्राष्ट्रिय फौजदारी न्यायाधिकरणमा कारबाही गर्न सकिन्छ भन्ने पायौं।”

आसिफ नजरुलले भने, ‘अनुसन्धान टोलीले संयुक्त राष्ट्रसंघ अन्तर्गत काम गर्नेछ । हत्यामा संलग्न पूर्वप्रधानमन्त्री शेख हसिना लगायत कसैलाई पनि छुट दिइने छैन ।’

बंगलादेशमा गत जुलाईमा शेख हसिना सरकारविरुद्धको आरक्षण विरोधी आन्दोलनमा धेरै मानिस मारिएका थिए ।