भक्तपुर। भक्तपुरको ६ लेन सडक अन्तर्गत गठ्ठाघरमा ट्रकको चक्कामा परी स्कुटर चालकको ज्यान गएको छ।

१२ चक्के मालवाहक ट्रकले किच्दा स्कुटी चालक महिलाको घटनास्थलमै ज्यान गएको हो।

काठमाडौबाट आइरहेको बा४९प ८९४४ नम्बरको स्कुटीलाई सोही दिशाबाट आइरहेको ना६ख २१७३ नम्बरको मालबाहक ट्रकले गठ्ठाघर बस स्टपमा ठक्कर दिई स्कुटरचालकलाई घिसारेर ज्यान लिएको भन्दै स्थानीय आक्रोशित छन्। स्थानीयको प्रदर्शनका कारण सो क्षेत्र तनावग्रस्त बनेको छ।

दुर्घटनापछि ट्राफिक प्रहरीले पुरानो बाटो थिमि रुटमा सवारी साधन ड्राइभर्ट गरेको छ। शव चक्का मुनी बिभत्स अवस्थामा देखिन्छ। दुर्घटना दिउँसो करिब २ बजेको समयमा भएको बताइएको छ। प्रहरीले शव उठाउन सकेको छैन।

अवस्था शान्तिपूर्ण बनाउन जिल्ला प्रशासन कार्यालयले पहल गरिरहेको छ । सबैलाई सम्यमता अपनाउन र तनावपूर्ण अवस्था सृजना भएको हुँदा सो क्षेत्रबाट यात्रा गर्दा सावधान रहन सिडिओ रोशनीकुमारी श्रेष्ठले आग्रह गरेकी छन्।