काठमाडौं । लेबनानका स्वास्थ्य मन्त्री फिरास अबियादले दक्षिणी सहर नाबातीहमा इजरायलले गरेको आक्रमणमा कम्तीमा १० जनाको मृत्यु भएको बताएका छन् ।

यस भवनमा सिरियाली शरणार्थीहरू बस्दै आएको फिरास अबियादले बीबीसीलाई बताए। लेबनानको सरकारी समाचार एजेन्सीले मारिनेमा दुई बालबालिका समेत रहेको जनाएको छ ।

इजरायलले हिजबुल्लाहको हतियार गोदामलाई निशाना बनाएको बताएको छ ।

लेबनानको राजधानी बेरुतमा इजरायली आक्रमणमा हिजबुल्लाह कमाण्डर मारिएपछि दुई देशबीचको तनाव निकै बढेको छ ।